" لاشك "
لا شك بلقى في بعادك معاذير
وبعض(ن) من أحلام الطفوله والاوهام
ومعاتب( ن) يرخي هموم المشاوير
وسوالف( ن) تاهت مع الوقت باعوام
ولاشك تلقى في عيوني طوابير
تراكمات اشواق...... وصروف الايام
ولا شك تلقى في حروفي تعابير
وحساس غايب..... ماتجره بالاقلام
ركز وناظر حالتي والتصارير
في غيبتك هشم مسرات .....وعظام
ولاشك شوقي ياهوى بالي يطير
حدري ااالضلوع الي مجنح بالاهيام
ون كان جبر خاطري بالمعاذير
وسباب ما تقنع ترى.... الوعد قدام
__________
" ليل الشتاء "
ليل الشتاء والبرد واشواقي بها لفحة جليد
دايم يصحيني مع القمرا وهلّ مْن الذكر
افتح مراسيل المحبه وستعيد مْن البريد
واتسابق العبره سواليفه وعطّرها صبر
اقرا رسايله القديمة واتصوّر من جديد
احلى تفاصيل المحبه كلّ لحظه بالعمر
وآهلّ شعري وسحبه للي من اللهفه يزيد
وآجرّ صوتٍ بحتّه اقسى من حدود السطر
واطلمس الابيات لغزٍ ما يفنّدها بليد
قصدي بليد من المشاعر يا ولد لا تندهر
باسلسل الاحداث ورصغها وشد مْن الحديد
كم لي اضمّر ف القوافي وآتنفسها دهر
احبك عليها حبكة الصايغ اذا قالوا يجيد
ولوي موازين الشعر مسحوب ولا بالصخر
اكفخ مع الطاروق علّه يستقيم ويستعيد
وزنه اذا موّج مع العوجا وميّل بالشطر
ما ضيّع الافكار فيني من قريب ٍ او بعيد
ساكن بوسط الجوف ما شبّر من الخافق شبر
سنتين ذوّقني مرارات الهوى شيٍ فريد
سنتين والحاله ووضعي من فراقه ما استقر
استغفر الله صارله شهرين ينبض بالوريد
كم لي تغافل عن عذابه وآتغذابه سهر
ادفا من انفاس الضحى لا من ذكرته يا وليد
وألطف من النسمه اذا هبت بعد زر العصر
بدا بحياتي طفل ذرّيته من عيون الشديد
كبر وليته ما كبر في داخلي حتى انفجر
اتلف من الخفاف ثلثينه وعطّبها وقيد
صمامي الايمن مع الايسر وشرياني شرر
اسنين داريته بقلبي مالكٍ كلي وسيد
ما كنت اظنه عن مساري يستدير وينتبر
ماكنت اظن ان العلاقه تحترق مثل الجريد
ويطيّر الفرحه من عيوني ب لوعات الهجر
ياخوي والله من فراقه ما بقى عقلٍ رشيد
الوضع حتّم فالنهاية بالمواصل نستمر
وان كان غرّب في حياتي يا عسى عمره سعيد
والله يصبرني على غيابه والاقي له عذر
انته تبي وانا ابي والله يفعل مايريد
نتبع خطاويها وتكتبنا على كف القدر
_________
" يامال ها الدنيا "
يامال هالدنيا تدور الطواحين
وتشخل من الأفات، تبقى الخماله
شرن تعايش بيننا دهر و سنين
يبلي نفوسٍ طاهره بسماله
اديف كيدن محملته الشياطين
خناسهم يبرا من اللي وحى له
هذاك يرسي ف صدور الملاعين
شايل من الاحقاد ضيج وعمالة
السم مايقتل كبار الثعابين
لو دار في نفس السقيم بنكاله
واللي مخبي له مع الوقت وجهين
الله يكشف سره وما نوى له
اذا تشوفه يبتسم قلت مسكين
والدين من بين الثنايا جماله
الاهل نعمة قربهم شلف تطعين
ياحيف من وجهن تغطى بغماله
تغرس ب ارضن ممحله ماهي بطين
وتنتج غثاث الكره شين وحصاله
ضربة عقارب تلدغك بالمقفين
وتصفق قلوبن وافيه بالكماله
واللي مشيع خبر بايت من الحين
مانال شين من بقايا ثماله
مسمم افكاره سذاجه وتخوين
الحسد فايض من عيونه جهاله
مجاملات وضحك والقول تلوين
ومجالسن شح الكرم ما صفاله
واذا حكى تحسبه مْن السلاطين
هو اجوف الافكار فقه وجزاله
ماهمني كثر الحكي يالمَغرْضين
الغدر شيمة جين ناتج حثاله
وقت الشدايد يظهر الزين والشين
ويظهر مع الايام باقي خصاله
وماهمني لاشب ف الصدر ضلعين
باسدد بقولي عليهم عجاله
بكسر خشومن ظالمة بالميادين
الحر لا حووم يهد بصماله
احذر تدوس الطرف بعطيك درسين
احفظ لسانك لا يزيد ف ضلاله
وحذر تغوول ف كلام المغابين
ومن حاور الجاهل يعيش بهباله
ولا الزبد رابي على السطح ويبين..
والبحر طاغي مايضره طحاله
_________
" علموه "
علموه اااني مع العالم وبعده ماوعيت
وعلموه اااني تلعثمت بحروفه والسلام
وعلموه اني تعبت لاخري حتى انتهيت
وعلموه اااان الغرام بداخلي عيا ينام
وعلموه اااني رغم صده عليه ماجفيت
كل يوم بغيبته سوى مع الحال نفصام
وللصبر طاقه وان طوول علي وماكفيت
ودي اشرحلك ظروفي قبل لاتهد الحطام
الهوى مافيه شي من اااامور الاتكيت
المحبه احساس نابع من جلابيب الهيام
ياغزيل شوف حالي ماب شين دبلكيت
لو بوصف حب صادق شيمت رجالن حشام
ويااااغزيل روف لي بعهدن عطيت ولا وفيت
كل لحظه اتنفسك ترجع لي الزفره انهزام
وحلف بربن خلقني كل مادخت وسهيت
قمت اهاذي بسمك الي فيه ضيعت الكلام
وياغزيل مابا اقول اني على الفرقا بكيت
من رحلتي عن عيوني صار بدوله انقسام
خبروه اني مع الاحلام فارسها..حييت
قاد روحه ضد جيش العذل..وونهار النظام
_________
ليست هناك تعليقات:
إرسال تعليق