" نبض المحبة "
سود العيون اللي بها جاذبيه
ما بيحت لي عندها شو مقاسي
الحب علمني المطامع رديه
والصد علمني وش هي المآسي
لو يعذلوني عن هواها الرعيه
ما غيروني دام عقلي ف راسي
فيها القصايد لي تجي سولعيه
ولثام حرفي معلقن ف الرواسي
يرقص ويتناغم معي ف ابجديه
فرحان ماهمه صراع الكراسي
كل الدروب اللي عليها قضيه
ترغم ظروفي قبل عزمي وباسي
لو كنت خايف من شروع المنيه
وطيت راسي قبل حكم التباسي
الحب شرع الدين والعرف ضيه
لي يفهموها جيتي من لباسي
حب الوطن يشبه كحب البنيه
اللي ابوها ف وسط عينه تماسي
23/5/2015
ليست هناك تعليقات:
إرسال تعليق