أمر بيتك الي مثل قلبي غدا مهجور
أمر ومعاي جروح فالعين مرتسمه
أمر من ثلاث سنين والحزن قاد شعور
شعورن خطف من دنيتي لذة البسمه
كرسام مبدع بس كفه غدى مبتور
يشوف المناظر والقهر يعجز الرسمه!!
اشوف الحياه ف غيبتك خاليه من نور
حياتن بلون الضيق والهم مّتسمه
ودمع ً إذا يهطل على قاسيات صخور
بشوف الصخور بحرقة الدمع منقسمه
يسيل ب ندم ليت الندم يجبر المكسور
على خدي الذابل تهاوى و طبع وسمه.
فلا تطلبي أنسى ترى شي مب مقدور
خفوقي ورق وش حيلته في يد النسمه!!
خذاك النصيب ومايهم دمعي المقهور
انا مؤمن و راضي بما تحكم القسمه
نصيبك تعيشي مع رجل في هنا وسرور
ونصيبي مع الأحزان واشعاري الدسمه
وإذا الشاعر المبدع بنى قاعدة جمهور
ترى من نزيف الجرح يكتب حروف اسمه
وشاعرك ينحت للملا فالغياب سطور
وتسمن قصايد والمقابل نحل جسمه!!
ابكتب وأمر البيت دامي معك مأسور
ألين الممات فيوم يعلن وقت حسمه..
راشد المشرفي / النوس
ليست هناك تعليقات:
إرسال تعليق