"جيت أقدم إعتذاري"
جيت أقدم إعتذاري بعد ما ضاع الأمل
في روجوع اللي أحسه قط ماله منزله
آسف إني قلت أحبك وأعترف لك بالفشل
دام كل إحساس قلبي ب العماله تجهله
كان نورك في عيوني بدر لكنه أفل
بعد ما غيم التعاسه في هياسه أوحله
كان حبك عتم جاري من صدودك إضمحل
وإكتفى ب أمواه غيري بعد ما قد راق له
كنت أشوفك شي آخر لغز ما لك قط حل
ما يفك رموز ودك غير حضني والوله
الوفى ف الناس كذبه ما رحم محبوب ذل
لعن أبو قانون نصه حقد شرع الأرمله
07/2015
__________
"ما يهدي الشوق"
ما يهدي الشوق يا حبي أبد
غير ذاك الوجه والحضن الدفي
ودي ألمس كل صبع وكل يد
والموده لي ف جوفك تختفي
دونك إنتي عفت ما في هالبلد
هل ترى قلبك مثل قلبي وفي
عشت عقبك بين أنياب الأسد
لو أهمك قدري لي موقفي
بات حبك سقم يحتل الجسد
من مصابه هد حتى أحرفي
إرحمي ما يحتوى هذا الولد
وإرئفيبي وإستشفي وإنصفي
ما ل قلبي يا منى روحي سند
غير قربك والحنان العاطفي
07/2015
__________
"تنشديني كيف حالي"
تنشديني كيف حالي بعد ما طول غيابك
ما عرفتك ليه دايم بعد مده تنشديني
خبريني بعد غيبه مت فيها إيش جابك
وإشرحي لي ما ب جوفك ماتبيني أو تبيني
كنتي أنتي لي تحبي والزمن دهور صوابك
لك وهبت العمر كله وافضل أيام السنيني
بعد ما خذتي ودادي غرق الخافق عذابك
أحتظر قدام عينك وإنتي ب إيدك تنقذيني
ل المحبه إسم واحد لو خفيتي كل ما بك
ما تغير لي تغير مستوى حجم الحنيني
لو فؤادك حس مره كان في لحظه إنتخابك
ما سوى الإخلاص يطلب و الذي به تستهيني
إيه أحبك رغم صدك والوفى داخل سرابك
بس رقي قبل حزني يعتلي صفحة جبيني
07/2015
_________
"دوس و تثاقل "
دوس و تثاقل يالرضي دامك الزين
ي اللي جمالك ابهج الكون كله
يا ريت شي مثلك ف هالكون إثنين
كان القمر والشمس ل النور ضله
أنت الذي تحتار فيك الملايين
يا من ل وصف الزين خلوك قبله
دون البشر أعييت يمع التثامين
سعرك ضرب لافاق في كل عمله
لو راهنو بك كل ما كان ف الصين
حزت النصر والغير قد نال ذله
لو كنت لي باقول ماعاد شي شين
حسنك غدى ل الشين والزيف عله
حبك سكن ف الروح وإزداد توطين
والعشق لي قد زاد ف الطين بله
07/2015
________
"يا هاجسي"
يا هاجسي قرب إذا عندك علوم
هات الحكي فضفض كلامك وإسرده
لك شي قدرساعه علىراسي تحوم
حيرتني تطوي الجناح و تفرده
قرب أحيدك منته من طير الرخوم
واللي ب وزنك يا السنفافي ننشده
أرخى جناحه طيرنا سيد الخشوم
نسل الجوارح ثم جا يمقط يده
حيا وسهلا ومرحبابك ي محشوم
أنته ترى راعي المكان وسيده
خذ راحتك والجو صافي م الغيوم
ماشي يعكر جونا أو يفسده
قال أنته الوافي عسى ربي يدوم
هذا الصفو ي الفارسي و يمدده
جيتك ولا لي غير هالصدر الرحوم
والعهد لي ناوي معاك آجدده
قلت أبشر بعزك و ربك لاتقوم
العهد باقي ذا كلامي ردده
وإشهد بقولي لا تحديت الخصوم
إني السلاح ورأس خصمك أحصده
07/2015
________
" اكتب ولا أدري "
أكتب ولا أدري عن اللي كتبته
أصلا ولا آنا ب شاعر حقيقي
دام الشعر لهموم قلبي وهبته
لا شانت الأبخات نفست ضيقي
و إن هيفت لوقات قمت وشربته
لا قد كثر وإن قل بللت ريقي
ما ينتسي ف النوم كم ما حلمته
لا نامت الأعضاء هو مستفيقي
لزيم لي بالطيب طوعا كسبته
وافي نعم لا شح قلب الصديقي
كنه طفل من ماء صلبي نسبته
أو توئمي وإن صح قولي شقيقي
بيني و بين الشعر ود ن حسبته
في داخلي والعهد ماكن وثيقي
مخلص نعم لو سهو مايوم سبته
غير الوفا ل الشعر قط ما يليقي
07/2015
_________
"جفت ينابيع القوافي"
بعد ما جفت ينابيع القوافي
والحروف تيتمت والشعر مات
صار وقتي كالسنينات العجافي
والضجر أقبل و من كل الجهات
بات هوجاسي يعاني م الجفافي
وين دجله وين أمواه الفرات
ودي أشرب وأرتوي وآقول كافي
العطش يا سامعي سوى سوات
جيت أسجل كل مابي ب إعترافي
بعد ما مليت من طول السبات
وين ألاقي بين هالعالم سنافي
محتوي في داخله كل الصفات
الزمن هذا كما السم الزعافي
والبشر أوهام في بحر الشتات
إبتلينا بالزمن وأهل السخافي
واللسان الحر قد مل السكات
07/2015
_________
"تعودت الصبر"
تعودت الصبر ماهو من اليوم
أنا من صلب حمال الثقايل
أحب اللي يغامر أعشق العوم
و غصني معتدل ما كان مايل
ولاني م الخطأ يا صاح معصوم
إذا لك قصد تعتيم المسايل
أنا كالشمس لا ضحت على قوم
كرهت الغيم من بعض الفعايل
أسوم الروح لك يا صاحبي سوم
إذا إنته عن هوى التزييف عايل
وشرعي ف المحبه واضح ن دوم
بأن الصدق هو ساس الفضايل
و عمر الكسر ما يجبر من اللوم
و كل ماهو خلاف الصدق زايل
07/2015
__________
قصيدة غنائية
"شلني يابو جناحين "
شلني يا بو جناحين
شي ثلاث أيام ما جاني خبر
ما تحملت التخامين
يا عسى ما كان ف المحبوب شر
لو معي جنحان باطير
طير يا طيار قبل الخافق يطير
...
ما قدر عا فرقة الزين
لو بعد يومين ذا القلب إستعر
يلتهب مثل البراكين
بس ما ل النار في جوفي شرر
يا كفى الله نافخ الكير
طير يا طيار قبل الخافق يطير
...
آه من بعد المحبين
نبض قلبي يا حبيبي مستقر
مطرب من حين لا حين
يهزم الرقاص لي ماله مقر
والفكر قد زاد تعكير
طير يا طيار قبل الخافق يطير
...
صاحبي هو حوري العين
خلني باعيد في خلي النظر
غير ماشي مثله إثنين
فاق حسنه كل حوري والبشر
فوق ما تروي الأساطير
طير يا طيار قبل الخافق يطير
...
بدعي الله قول آمين
يا عسى ألقاه لا ضر و ضرر
بين أشجار الرياحين
وأحضنه و يزول همي والكدر
أطلبك رب المقادير
طير يا طيار قبل الخافق يطير
...
07/2015
_________
"طريق العاطفة "
طريق العاطفه لي كم سنه طفته
وفضيت العواطف من شراييني
محبه آخرة مشوارها صفطه
ألاقي حزني البائس يغطيني
من اللايم إذا درب الهوى عفته
بعد مشيي على حد السكاكيني
سمعت ب حب لكني ولا شفته
و لو شي عاطفه زكت مجينيني
خذي مني بدون المصخره لفته
أنا ل الحين تايه ما دري ويني
07/2015
_________
"رب البشر "
رب البشر رحمن جيت أطرق الباب
ي اللي بلا عمدان رافع سماها
جيتك وانا ل الجود رحماك طلاب
يوم الزمان العيف نفسي بلاها
كل من رجا يا خالق الكون ماخاب
بس الخلايق خالقي في عماها
بايت سمير الليل لي فكر صباب
زحمة فكر ما ظن عقل ن حواها
لين إقرحت وتشتت يمع الأعصاب
فيني و نفسي عالم ن مستواها
ما بشتكي ل الناس ما دمت وهاب
تغفر ذنوب ن مدركات ن خطاها
وآنا كما باقي المخاليق و أنعاب
سالك بحق رحمن و آيات طه
07/2015
_________
"لوكان بي حب الظهور "
لو كان بي يا سامعي حب الظهور
كان القناع اللي خفاني بنزعه
ماهو كبر مني ولا حب الغرور
أو هي هوايه ف إرتداء الأقنعه
لكن أمانه هالشعر عندي شعور
إحساس صادق مش مجرد منفعه
بركان لو يخمد دقيقه با يثور
ما ينتهي وإن فاض يحرق من معه
ما به ضمأ رويان من كل العصور
الشمس عينه والزلازل أفرعه
لو بس رمى أربع حمم وسط البحور
يشعل بحور الشعر حامي أربعه
يسطي لظاها سالكه لج الغزور
توصل حدود القاع ثم ن تصفعه
07/2015
_________
"خبريني هالثقه من وين جات"
خبريني هالثقه من وين جات
لين أحكمتي عليه السيطره
كيف جيتي من متاهات الشتات
وإنتشلتي ما بصدري اشكره
من تكوني منتي من جنس البنات
لا ولا في حجم أوصافك مره
ليش سويتي معي هذي السوات
جاوبيني ما بغيت المعذره
حدثيني ما تعامل بالسكات
لا ولا أهوى حديث الثرثره
إختصار القول راحه ل الشفات
والصرأحه طعمها تستشعره
لو تقنتي كل هاذيك الصفات
إحسبيني السيف وإنتي عنتره
07/2015
_________
"ليش ماتكتب غزل "
قالت إنته ليش ما تكتب غزل
ودي أسمع قول فيني عاطفي
قلت ول ول يا حياة الروح ول
موقفك ف الحب عاكس موقفي
جسمي المليان م الحب إنتحل
لين صار الحب في عيني هفي
سلني هجر الذي اهواه سل
والعمر كادة شموعه تنطفي
بس دامه جا شعورك ب الملل
يا هواجيس المحبه إعصفي
إنتشى قلبي وفارقه الخجل
ترجمي ب إحساس كل ماتعرفي
ناظرتني والحيا خيم و حل
قالت أوقف قلت إنتي وقفي
قالت إنسى كل مامات و حصل
أكتفي ب اللي عرفته أكتفي
قلت هجري هل ترينه خير حل
إكشفي لي ما بجوفك إكشفي
قالت العشقه بدونك تمتحل
قلت والله ؟ ي الحبيبه إحلفي
والذي عن هالخلايق مكتمل
كل ما فيني فدى القلب الوفي
قالت أقسم ب الذي أرسى الجبل
مايساوي الكون دونك معطفي
07/215
_________
ما عرفتي من أكون ؟
ما عشقتي في حياتك لو عرفتي العشق كان
من عيوني تعرفيني قبل حرفي أنطقه
ما نشدتيني ب لهفه بعد ما خذتي الأمان
كان يكفي تنظريني بس ما عندك ثقه
قربي أمتار صوبي قد خلا هذا المكان
إكسري سد المسافه وش تجيب التفرقه
راقبيني لاحظيني يا مذاق السنديان
وإستشفي لي حنيني إغطصي في أعمقه
باتشوفي شي آخر يجهله هذا الزمان
ود في جوفي معتق كاد حتى يخنقه
حب مستخلص مشاعر ما على ذ الكون كان
إختزل داخل فؤادي لين قرب يشهقه
كل هذا الكم داخل قلب ما قط يوم خان
في شروعه ل الخيانه حكم حبل المشنقه
07/2015
_________
"أبا انشدك لما نويت "
أبنشدك لما نويت البعد عقلك وين كان
وين العهود الصادقه وين الوعود و غيرها
أبنشدك هل هانت العشره وذاك الود
هان
ألغاز جاوبني عليها هات لي تفسيرها
راهنت بك لكن خساره ما ربح ذاك الرهان
ما كنت اظن إن العواطف با تعاكس سيرها
لما عشقتك خلت إني حايز ن بر الأمان
وآقول مزنك ي المحبه با تقرق شيرها
صحيح هالدنيا دنيه كل ما فيها دخان
من عاش حتما با يواجه شرها أو خيرها
07/2015
_________
" بعد الشعور"
بعد الشعور اللي بديت أستشفه
قلبي حبيب الروح صد و نهاني
الحظ يا المملوح ما كان كفه
مفتوح لي حتى ب حجم البناني
يطرق عليه النحس ب أصوات دفه
لين ادبر و قفى و عيا يباني
وش غايتي من خل ما بان شفه
ما ينتخي والعمر ب الله فاني
يلعب على الحبلين ما فيه عفه
ويخسر الرهان كسب الرهاني
لفلف ب ذيل الزيف خمسين لفه
ما يدري إني من كبار الفطاني
ماباه لو يحلف مية ألف حلفه
لو يفترد في حسن هذا الزماني
6/6/2015
_____________
قصيدة غنائية :
" أشكي لمن "
أشكــي لمن حالي الشقي
والسهــــــد بي أشكي لمن
بي صــــوب ما بين الكلي
منه بلـــي قلبــــــــــي وأن
واللي رمـــى قلبي وصابه
ريته درك حجـــم الإصابه
[لكن تجريب المياسم غير يامقصود ماهو كالسماع**
يا رب أنا بشكيك في ذا الحال ربي يا مطاع]
+++++
كانك صـــدق عاشق دلي
بالصوت طــــمن وإطمئن
لا تخــــفي البــسمه علي
شفـــنا من الوحـــــله نئن
يا لــحن قلبـي ما سخابه
منه بكــــــى قوس الربابه
[ يا مزن بعد المحل جا بالخير أحيا ذا البقاع**
يا رب أنا بشكيك في ذ الحال ربي يا مطاع ]
+++++
بحر المـحــبه ممــــــــتلي
بالـــويل وآلاف المــــــحن
الله يعــــــــــين المبتـــــلي
لي وسط تـــــياره ســكن
كل من عرف معنى الصبابه
والشوق بايحــــسب حسابه
[ واللي بلا حسبه دخل قد هام في بحره وضاع**
يا رب أنا بشكيك في ذ الحال ربي يا مطاع ]
+++++
عاشــق ولا حــــد رق لي
والعظــم منـــي قد وهــن
مجــــروح جرحي داخلي
مــــنه فؤادي يعتـــــــجن
تايه و همـــه قد مــــشابه
رهن الهوى مثل السحابه
[ والمشكله كل ما نوى عالهجر قلبه مستطاع**
يا رب أنا بشكيك في ذالحال ربي يا مطاع ]
أبوصالح
قصيدة غنائية :
" دفّـة العميد "
سفــينة الأمــجاد ما كانـــت على ما كان
سكّونها مغشـــوش عاكـــس دفة السكان
ما هو كما العادة ولا اليزوى على المعلوم
[ ف الأوله لي ماحسب ما ينفعه شي اللوم]
ساروا بها والــموج يتــلاطم على الدفان
ما هو كذا الإبــحار لا ياصاحبي الربان
البــحر له أحـــكام ما عـــول بها (سلوم)
[ ف الأوله لي ماحسب ماينفعه شي اللوم]
شف طاقمك صفي الوفي منهم من الخوان
ما تنفعـــك يا ليــت لا قد شــدد الطوفان
ما أمنو الـعوجا نواخــيذ الســـفاين دوم
[ ف الأوله لي ماحسب ماينفعه شي اللوم]
يا حيف يا بوم الأصــالة وين لي بك زان
السمعة الزينــة بغــت يا بومــنا قبــــطان
ماجبــت شي زله حـشا يا بومنا محشوم
[ ف الأوله لي ماحسب ماينفعه شي اللوم]
في عثـــرة الشــطّـار لازم تدفع الأثمان
والدين ماهــو دين لــــــو ما رد للـــديان
ذا شرعنا باقي وذي ســنة سياد القوم
[ ف الأوله لي ماحسب ما ينفعه شي اللوم]
23/5/2015
__________
"لو كان بي "
لو كان بي يا سامعي حب الظهور
كان القناع اللي خفاني بنزعه
ماهو كبر مني ولا حب الغرور
أو لي هوايه ف إرتداء الأقنعه
لكن أمانه هالشعر عندي شعور
إحساس صادق مش مجرد منفعه
بركان لو يخمد دقيقه با يثور
ما ينتهي وإن فاض يحرق من معه
ما به ضمأ رويان من كل العصور
الشمس عينه والزلازل أفرعه
لو ن رمى أربع حمم وسط البحور
يشعل بحور الشعر حامي أربعه
يسطي لظاها سالكه لج الغزور
توصل حدود القاع ثم ن تصفعه
13/05/2015
____________
" شوف عيني "
شوف عيني كيف كم تتأملك
تارك العالم و ما يحوي وراي
نظرة المئسور في عين الملك
حين حبك سار له كامل ولاي
أعشقك وآهواك لو عشقك حلك
أحتسي هالمر وأتغنم حلاي
دام حسنك هو يوازن هالفلك
لعن بو يوم (ن) عبر يمك بلاي
أحسد اللي في حياته قبلك
وأحرق الثغر الذي قارب شفاي
أنته ملكي يا حياتي وآنا لك
إنته أرضي كلها و صفوة سماي
ليت كل عين (ن) تشوفك تجهلك
لجل ما واحد يعكرها معاي
حتى أمك والأفاضل من هلك
ما يطابق كل عضاك إلا عضاي
5/2015
__________
" قالت ماتكتب غزل "
قالت إنته ليش ما تكتب غزل
ودي أسمع قول فيني عاطفي
قلت ول ول يا حياة الروح ول*
موقفك ف الحب عاكس موقفي
جسمي المليان م الحب إنتحل
لين صار الحب في عيني هفي
سلني هجر الذي اهواه سل
والعمر كادت شموعه تنطفي
بس دامه جا شعورك ب الملل
يا هواجيس المحبه إعصفي
إنتشى قلبي وفارقه الخجل
ترجمي ب إحساس كل ماتعرفي
ناظرتني والحيا خيم و حل
قالت أوقف قلت إنتي وقفي
قالت إنسى كل مامات و حصل
أكتفي ب اللي عرفته أكتفي
قلت هجري هل ترينه خير حل
إكشفي لي ما بجوفك إكشفي
قالت العشقه بدونك تمتحل
قلت والله ؟ ي الحبيبه إحلفي!!
والذي عن هالخلايق مكتمل
كل ما فيني فدى القلب الوفي
قالت أقسم ب الذي أرسى الجبل
مايساوي الكون دونك معطفي
5/2015
* ول : مفردة محلية تقال عند الصدمة والتعجب من أمرٍ ما
__________
"ماعرفتي من أكون ؟ "
ما عشقتي في حياتك لو عرفتي العشق كان
من عيوني تعرفيني قبل حرفي أنطقه
ما نشدتيني ب لهفه بعد ما خذتي الأمان
كان يكفي تنظريني بس ما عندك ثقه
قربي أمتار صوبي قد خلا هذا المكان
إكسري سد المسافه وش تجيب التفرقه
راقبيني لاحظيني يا مذاق السنديان
وإستشفي لي حنيني إغطسي في أعمقه
باتشوفي شي آخر يجهله هذا الزمان
ودّ في جوفي معتق كاد حتى يخنقه
حب مستخلص مشاعر ما على ذا الكون كان
إختزل داخل فؤادي لين قرب يشهقه
كل هذا الكم داخل قلب ما قط يوم خان
في شروعه ل الخيانه حكم حبل المشنقه
5/2015
__________
" خبريني "
خبريني هالثقه من وين جات
لين أحكمتي عليه السيطره
كيف جيتي من متاهات الشتات
وإنتشلتي ما بصدري اشكره
من تكوني منتي من جنس البنات
لا ولا في حجم أوصافك مره
ليش سويتي معي هذي السوات
جاوبيني ما بغيت المعذره
حدثيني ما تعامل بالسكات
لا ولا أهوى حديث الثرثره
إختصار القول راحه للشفات
والصراحه طعمها تستشعره
لو تقنتي كل هاذيك الصفات
إحسبيني السيف وإنتي عنتره
5/2015
_________
" أبنشدك"
أبنشدك لما نويت البعد عقلك وين كان
وين العهود الصادقه وين الوعود و غيرها
أبنشدك هل هانت العشره وذاك الود هان
ألغاز جاوبني عليها هات لي تفسيرها
راهنت بك لكن خساره ما ربح ذاك الرهان
ما كنت اظن إن العواطف با تعاكس سيرها
لما عشقتك خلت إني حايز (ن) بر الأمان
وآقول مزنك ي المحبه با تغرق شيرها
صحيح هالدنيا دنيه كل ما فيها دخان
من عاش حتما با يواجه شرها أو خيرها
5/2015
الشاعر حمود صالح الفارسي / أبوصالح
متألق بوصالح
ردحذف